HK FINANCE's Archiver

sun 發表於 2013-5-29 10:46

放低高薪 港婦武當尋夢

[table][tr][td]專題:放低高薪 港婦武當尋夢 [/td][td]37,538
[/td][/tr][/table][table][tr][td][list][*][color=#0066cc]適中字型[/color][*][color=#0066cc]較大字型[/color][/list][/td][td][color=#0066cc][/color][/td][td][color=#0066cc][/color]


[/td][/tr][/table][url=http://static.apple.nextmedia.com/images/apple-photos/apple/20130529/large/v0601a.jpg][color=#0066cc][img]http://static.apple.nextmedia.com/images/apple-photos/apple/20130529/small/v0601a.jpg[/img]師虛人到中年棄商從武,但這手武當劍真不賴。[/color][/url]
少林、武當號稱武林兩大門派,早前《爽報》訪問了一名在少林學武的香港小子,回港後靠搬運風煤樽維生。報道一出,有位港女聯絡本報,替他不值,原來她是武當女俠,一手太極拳打得行雲流水,可惜香港武風不盛,她把心一橫開班授徒,對清貧學生更加分文不收,只求宣揚武學。記者:陳勝藍攝影:胡智堅



今年7月麥淑蓮便滿55歲,學武之心始於兒時,「細細個睇李小龍電影,好鍾意,但冇機會學,種子種喺心入面」。小學時期學過兩個月柔道,但開百貨店的爸爸着她多花功夫看舖,乖女只好暫別武學生涯。
其後仕途順暢,通用汽車在大陸設合資企業,員工過萬,副總經理及財務總監正是眼前這人,其後她更於英國上市公司UBM亞洲總部擔任業務發展總監。究竟職場女強人因何變身武林高手?「我做嘢時間比較長,希望搵人生另一個目標。我由細到大鍾意武術,只係以前屋企環境問題冇機會學」。




[table][tr][td][url=http://static.apple.nextmedia.com/images/apple-photos/apple/20130529/large/29va006p102.jpg][img]http://static.apple.nextmedia.com/images/apple-photos/apple/20130529/small/29va006p102.jpg[/img][color=#0066cc]武當傳承證書。如果命運能選擇,她願長留武當。[/color][/url] [/td][td][url=http://static.apple.nextmedia.com/images/apple-photos/apple/20130529/large/ken130409a003.jpg][img]http://static.apple.nextmedia.com/images/apple-photos/apple/20130529/small/ken130409a003.jpg[/img][color=#0066cc]「最緊要係我先生支持我,否則連婚姻都有問題。」[/color][/url] [/td][td][url=http://static.apple.nextmedia.com/images/apple-photos/apple/20130529/large/v0601b.jpg][img]http://static.apple.nextmedia.com/images/apple-photos/apple/20130529/small/v0601b.jpg[/img][color=#0066cc]水中太極,有姿勢有實際。[/color][/url] [/td][/tr][/table]
人到中年 毅然放棄事業家庭當下請假一個月,跑到少林學外家拳,「我學少林拳、外家拳有限制,你叫我翻滾,我做唔到,撻咗落嚟未必能夠復元。作為興趣可以,但我想達到某個境界,所以要從新考慮學乜嘢,後來轉學太極」。
古代大俠散盡家財,行俠仗義,她也辭去UBM高職,行走江湖,「當時環境做又得,唔做又得,希望追求自己興趣,因為粒種子一直喺我心入面」。真係多得呢粒種子唔少,「首先我要放棄份唔錯嘅工作,第二雖然我冇仔女,但我要放低屋企、所有親戚朋友。首先要學識放低,放低對我嚟講係一個好高嘅門檻,因為要放棄收入、事業,意思係將來唔再用以前嘅專業謀生」。
太極始祖,一說陳家溝陳王廷,一說武當張三丰,她在2009年到河南陳家溝敲門,「我以為武當係金庸小說裏面嘅橋段,我好膚淺,唔識」。每日上課六小時,她課外加操,日練七、八小時視作等閒,「對我咁嘅年紀嚟講……我又ok喎!」
要命的是當地生活習慣,「嗰度生活除咗練武,就係練武,乜嘢都冇,好枯燥」。飲食如何?「一個星期有兩、三日有肉,點樣嘅肉?你要用放大鏡撥草尋蛇,可能搵到幾條;綠色蔬菜好少,因為貴,瓜果比較多,來來去去嗰幾種,基本上冇乜烹調技巧可言,大鑊飯掟晒落去」。
在陳家溝待了一年,才到湖北武當山,拜三丰派第14代掌門鍾雲龍道長為師,道號師虛,「一去到差唔多吵大鑊,佢哋又話唔要我,我又想劈炮即刻走!」原來武當門規極嚴,「師父行前你行後,師父未坐低你唔准坐,唔准駁咀,唔准問點解,但我最鍾意問嘢,十萬個為甚麼嗰種,我一時間接受唔到。你話師父行前你行後,呢啲小意思,但你唔准我問嘢喎!」猶幸雙方各讓一步,她留下來。
練武方面,男女弟子一視同仁,「唔理(女人)嗰幾日方唔方便,假設你需要自衞,你會唔會話:『我呢幾日唔方便,你過幾日先嚟打劫我啦!』」拳來腳往,難免有肌膚接觸,「唔理㗎喇,照打,雖然佢(師傅)知道我係女人,但練起武上嚟唔計較得咁多,但佢唔會揸你,你估好似周星馳咁咩!」
師虛是否班上最老的一個?「差唔多,但我唔係成績最差嗰個!」她以學武經歷寄語世人,追求夢想第一課,永不怕遲,「你永遠唔好話畀自己聽太遲,40幾歲學武遲唔遲?一般人嚟講肯定遲,但一樣練到出嚟!」第二課,學會放下,「要學識有得必有失,永遠唔會兩者兼得,我唔會有以前嘅事業,又有両家嘅愛好」。




[table][tr][td][url=http://static.apple.nextmedia.com/images/apple-photos/apple/20130529/large/v0601c.jpg][img]http://static.apple.nextmedia.com/images/apple-photos/apple/20130529/small/v0601c.jpg[/img][color=#0066cc]武當山上大耍八仙棍。[/color][/url] [/td][td][url=http://static.apple.nextmedia.com/images/apple-photos/apple/20130529/large/v0601d.jpg][img]http://static.apple.nextmedia.com/images/apple-photos/apple/20130529/small/v0601d.jpg[/img][color=#0066cc]武當山上練演太乙五行拳。[/color][/url] [/td][td][url=http://static.apple.nextmedia.com/images/apple-photos/apple/20130529/large/v0601e.jpg][img]http://static.apple.nextmedia.com/images/apple-photos/apple/20130529/small/v0601e.jpg[/img][color=#0066cc]鍾雲龍道長(左)教她武當伏虎拳。[/color][/url] [/td][/tr][/table]
[url=http://static.apple.nextmedia.com/images/apple-photos/apple/20130529/large/v0601g.jpg][img]http://static.apple.nextmedia.com/images/apple-photos/apple/20130529/small/v0601g.jpg[/img][color=#0066cc]每周無酬教深水埗清貧學生,勝在心靈富足。[/color][/url]
道士可娶妻 地位越高要戒色不到武當,不知道士可以飲酒,但只限淺酌;更可娶妻,然而地位崇高的道長大多守身養氣,「一般情況下,越高身份越戒色」。那麼妻子怎辦?「好似我師娘唔住學校,我師傅住喺學校,師娘日間嚟幫手,黃昏就要走」。
道士只許自己習武,不跟妻子「練功」,「做得高層次道士嘅老婆好難忍受,第一就係你頭先講嗰樣嘢,第二,佢哋唔會帶家眷出席(公開場合),就算同場出席,道長坐主家席,家眷敬陪末席」。她寄予無限同情:「作為道士老婆,無論生活上或協調上都忍唔到,冇幾耐就走,頂唔順,因為家庭生活少,家庭生活唔止房中事,街上永遠唔會拖手、搭膊頭」。
因此道士離婚率頗高,「如果我係道士老婆,已經忍唔到」。既然如此,道士何必娶妻?「道士都有情慾,有感情,仲有好多仰慕佢哋嘅人」。師虛分享這段,只想向道士的另一半致敬:「德高望重道士嘅老婆,我好尊重佢哋,因為佢哋好忍得,修為一樣好高!」
記者記下這段,只想向師虛的夫婿致敬,他跟道士的妻子處境雷同,一樣偉大,「我已經好幸運,佢忍咗我咁多年,第二個可能走咗,就似道士老婆咁走咗」。她在陳家溝一年,武當山兩年半,丈夫連下十二道金牌召她回港,她嘆道:「其實我去咗武當山唔想返嚟,如果我冇家庭,我唔會返嚟」。




共花40多萬 免費教清貧學生埋單計數,她在陳家溝及武當山共花了40多萬學費及生活費,「武當山唔算最貴,陳家溝仲貴,港澳台納入外國人收費,短期課程本地人1,000蚊(人民幣),外國人1,000蚊美金!」丈夫可有怨言?「咁啲錢係我㗎嘛!」
她立志在港推廣武術,爭取太極成為中、小學必修科,目前在深水埗街坊福利會小學教幾十名清貧學生打太極,歡迎有志者跟她學武,「清貧朋友我完全唔收費,無論陳式或武當(太極),我都好樂意教,只要佢係清貧」。看來那40多萬回本無期,「賺得返就好,賺唔返都冇所謂」。

頁: [1]

Powered by Discuz! Archiver 7.2  © 2001-2009 Comsenz Inc.